Qilichbozlarimiz Tunis Gran-prisida medallar uchun kurash olib borishadi
10-12 yanvar kunlari Tunisda qilichbozlikning sablya yo‘nalishi bo‘yicha Gran-pri musobaqasi bo‘lib o‘tadi. Dunyoning 37 ta davlatidan 300 nafarga yaqin sportchi ishtirok etadigan mazkur musobaqada terma jamoamiz a’zolari ham qatnashishadi.
O‘zbekiston qilichbozlik federatsiyasining ma’lum qilishicha, terma jamoamiz ushbu turnirga katta tarkibda yo‘l oladi. Yoshlarimiz bugun Kolumbiyada start oladigan U20 yosh toifasidagi Jahon kubogidan keyin Tunisga yetib borsa, kattalar jamoamiz Toshkentdagi oxirgi tayyorgarlikdan so‘ng Afrikaga uchib ketadi. Rejaga ko‘ra, jamoa quyidagi tarkibda Tunisda ishtirok etadi:
Erkaklar:
Islombek Abdazov
Zuhriddin Qodirov
Musa Aymuratov
Alpamis O‘rakbayev
Sardor Abdukarimbekov
Ayollar:
Zaynab Dayibekova
Gulistan Perdibayeva
Fernanda Errera
Nargiza Jaksibayeva
Ayako‘z Jumamuratova
Samira Shokirova
