30 Dekabr 2024
203
Chavandozlarimiz yana Fujayra turnirida shohsupaga koʻtarilishdi
BAAning Fujayra shahrida tashkil etilgan konkur boʻyicha uch yulduzli xalqaro turnirning soʻnggi kuni ham Oʻzbekiston terma jamoasi aʼzolari uchun muvaffaqiyatli oʻtdi. Turnirning Gran-pri yoʻnalishida ishtirok etgan hamyurtlarimiz kumush va bronza medallariga sazovor boʻlishdi.
150 sm balandlikdagi toʻsiqlardan sakrash dasturida Abdurahmon Abdullayev yuqori mahorat namoyish etib, kumush medalini qoʻlga kiritgan boʻlsa, yana bir tajribali chavandozimiz Bekzod Qurbonov bu gal bronza medali bilan taqdirlandi. Musobaqada Abdullayevga “Caballone”, Qurbonovga esa “Matts V.G.” laqabli tulpori hamrohlik qildi.
