20 Dekabr 2024
206
Yosh og‘ir atletikachilarimiz Osiyo chempionatiga jo‘nab ketishdi
Qatar poytaxtida ogʻir atletika boʻyicha oʻsmirlar va yoshlar oʻrtasidagi Osiyo chempionati start oldi. Bugun mazkur musobaqada ishtirok etadigan oʻzbekistonlik sportchilar Doxa shahriga yoʻl olishdi.
Oʻzbekiston ogʻir atletika federatsiyasining maʼlum qilishicha, qitʼa birinchiligida 18 nafar hamyurtimiz medallar uchun kurash olib borishadi. Atletlarimizning chiqishi ertadan boshlanadi. Boʻlajak bahslarda yurtdoshlarimizga omad tilaymiz.
