19 Dekabr 2024
171
Oʻzbek kurashi Islom birdamligi oʻyinlari dasturidan joy oldi
Albaniyaning Tirana shahrida Islom birdamligi sport assotsiatsiyasi (ISSA)ning Sessiyasi o‘tkazilayotgani haqida ma’lum qilgan edik. Uning doirasidagi 13-Bosh Assambleyada o‘zbek sporti uchun muhim kelishuvlardan biriga erishildi.
Unga ko‘ra, oʻzbek kurashi 2025-yil Saudiya Arabistonida o‘tkaziladigan Islom birdamligi o‘yinlari dasturiga kiritildi. Bu haqida Xalqaro kurash assotsiatsiyasi ma’lum qildi. Tadbir doirasida Xalqaro kurash assosiatsiyasi va Islom birdamligi sport assosiatsiyasi rahbariyati uchrashib, o‘zaro hamkorlikning keyingi bosqichlari haqida qator masalalar muhokama qilindi.
Eslatib o‘tamiz, Ar-Riyod-2025 Islom birdamligi o‘yinlari kelasi yilning 7-21-noyabr kunlari bo‘lib o‘tadi.
