16 Dekabr 2024
193
Dzyudochilarimiz yangi mavsumga Yangiobodda tayyorlanishmoqda
Shu kunlarda dzyudo boʻyicha Oʻzbekiston terma jamoasi yangi mavsum oldidan navbatdagi oʻquv-mashgʻulot yigʻinini olib bormoqda. Mashgʻulotlar Toshkent viloyatidagi “Yangiobod” sport bazasida tashkil etilyapti.
Joriy yigʻinga kattalar oʻrtasidagi Oʻzbekiston chempionatida muvaffaqiyatli ishtirok etgan sportchilar jalb etilgan. Mashgʻulotlarda asosan umumiy jismoniy tayyorgarlikni kuchaytirishga eʼtibor qaratilmoqda. Qayd etish joiz, murabbiylar shtabi tarkibida Parij-2024 yozgi Olimpiya oʻyinlaridan keyin sportchilik faoliyatini tugatgan Sharofiddin Boltaboyev va Gulnoza Matniyazovani ham uchratish mumkin.
