Sablyachi qizlarimiz Jahon kubogida jamoaviy dasturda ham kumush medalga sazovor bo‘lishdi
Sablyachilarimiz U20 yosh toifasida tashkil etilgan Jahon kubogi bosqichidagi ishtiroklarini yakunlashdi. Vengriyada kechgan bellashuvlarda qizlarimiz jamoaviy dasturda kumush medalga ega chiqishdi.
Qizlarimiz musobaqani jiddiy raqiblardan biri Koreya Respublikasi ustidan qozonilgan gʻalaba bilan boshlashdi. Shundan soʻng chorak finalda Polsha, yarim finalda Buyuk Britaniya magʻlub etildi. Chempionlik bahsida esa mezbonlar 45:42 hisobida ustun kelishdi.
Bellashuvlarda yakkalik bahslarida ham kumush medalni qoʻlga kiritgan Gulistan Perdibayeva, shuningdek, Fernanda Errera, Samira Shokirova hamda Ayakoʻz Jumamuratova yurtimiz sharafini himoya qilishdi. Afsuski, Germaniyada tashkil etilgan yigitlar oʻrtasidagi bahslarda hamyurtlarimiz chorak finalda mezbonlarga imkoniyatni boy berishdi.
