Konkur boʻyicha Oʻzbekiston terma jamoasi aʼzosi Abdurahmon Abdullayev yana bir xalqaro musobaqada zafar quchdi. Hamyurtimiz bu gal BAAning Sharja shahrida tashkil etilgan turnirda gʻalaba qozondi.

Yurtdoshimiz CSI2* tasnifidagi musobaqada 140 sm balandlikdan sakrash yoʻnalishida eng yuqori natijani qayd etishga erishdi. Mazkur musobaqada chavandozimizga “Go fout it B” laqabli tulpori hamrohlik qildi.