4 Dekabr 2024
251
Ulugʻbek Rashitov 2024-yil yakunlari boʻyicha dunyoning eng yaxshi erkak taekvondochisi deb topildi
Taekvondo WT boʻyicha ikki karra Olimpiya oʻyinlari chempioni Ulugʻbek Rashitov joriy yil jahon miqyosida yilning eng yaxshi erkak taekvondochisi deb topildi. Sovrin sportchimizga Gonkongda oʻtayotgan pumse boʻyicha jahon chempionati arafasida topshirildi.
Ushbu nominatsiya gʻolibi butun dunyo boʻyicha ovoz berish yoʻli bilan aniqlandi. Quvonarlisi, bu oʻzbek taekvondochilarining jahon miqyosida ilk bor mana shunday nufuzli sovrinni qoʻlga kiritishi boʻldi. Boisi, shu paytgacha hech bir hamyurtimiz Butunjahon taekvondo federatsiyasi tomonidan bunday e’tirofga sazovor boʻlmagan edi.
Oʻzbekiston Milliy Olimpiya qoʻmitasi ushbu yuksak sovrin bilan Ulugʻbek Rashitov va mamlakat taekvondo assotsiaysiyasini samimiy qutlaydi.
