12 Noyabr 2024
83
Toshkent shahri qilichbozlik bo‘yicha jahon kubogi bosqichiga mezbonlik qiladi
15-17-noyabr kunlari poytaxtimizda qilichbozlikning sablya yoʻnalishi boʻyicha yoshlar oʻrtasida jahon kubogi bosqichi boʻlib oʻtadi. Ushbu musobaqada 15 ta davlatdan 200 ga yaqin sportchi gʻoliblik uchun kurashadi. Mazkur turnirda Oʻzbekiston sharafini Zuhriddin Qodirov, Musa Aymuratov, Islambek Abdazov, Alpamis Urakbayev, Fernanda Errera, Gulistan Perdibayeva, Nargiza Jaksibayeva va boshqa sportchilar himoya qilishadi.
Musobaqa taqvimi quyidagicha:
15-noyabr: qizlar oʻrtasida yakkalik bahslari;
16-noyabr: yigitlar oʻrtasida yakkalik bahslari;
17-noyabr: qizlar va yigitlar oʻrtasida jamoaviy bahslar.
Maʼlumot uchun, bellashuvlar “Yoshlik” sport kompleksida oʻtkaziladi.
