4 Noyabr 2024
215
Qilichbozlarimiz Rossiya yigʻinida
Ayni kunlarda qilichbozlikning sablya yoʻnalishi boʻyicha Oʻzbekiston terma jamoasi aʼzolari Rossiya Federatsiyasining Sankt-Peterburg shahrida xalqaro oʻquv-mashgʻulot yigʻinini olib bormoqda. Mazkur yigʻin yoshlarimiz uchun 15-17-noyabr kunlari Toshkentda oʻtadigan Jahon kubogiga tayyorgarlik vazifasini oʻtab beradi.
Yigʻinda sportchilarimiz mahalliy qilichbozlar bilan oʻz tajribalarini orttirishmoqda. 3-noyabr kuni atletlarimiz Qozon shahrida oʻtgan turnirda oʻz omadlarini sinab koʻrishdi. Unda Musa Aymuratov bronza medaliga sazovor boʻldi. Endi sportchilarimiz 13-noyabrgacha Sankt-Peterburgda tayyorgarlikni davom ettirishadi.
