29 Oktyabr 2024
283
Aliyev va Berdimuratov uchinchi oʻrin uchun gilamga chiqishadi
Albaniyada sport kurashlari bo‘yicha noolimpiya vazn toifalaridagi jahon chempionatining birinchi kuni ortda qoldi. Ma’lum qilganimizdek, dastlabki kun O‘zbekiston terma jamoasining ikki nafar a’zolari Abdullo Aliyev (-72 kg) hamda Jalgasbay Berdimuratov (-82 kg) bahs olib borishdi.
Har ikki hamyurtimiz ham chorak finalda imkoniyatni boy berishdi. Ushbu bosqichda ulardan ustun kelgan sportchilar finalgacha yetib borgani bois Aliyev ham, Berdimuratov ham bronza medali uchun kurashish imkoniyatiga ega bo‘lishdi. Buning uchun polvonlarimiz dastlab o‘tish bosqichida ishtirok etishadi.
O‘tish bosqichi:
-72 kg: Abdullo Aliyev – Xayk Melikyan (Armaniston)
-82 kg: Jalgasbay Berdimuratov – Gurban Gurbanov (Ozarbayjon)
