28 Oktyabr 2024
381
Butunjahon dzyudo kuni muborak!
Bugun 28-oktyabr, dzyudo asoschisi Dzigaro Kano dunyoga kelgan ushbu sana butun sayyoramiz boʻylab Butunjahon dzyudo kuni sifatida keng nishonlanmoqda. Xalqaro dzyudo federatsiyasi (IJF)ning taklifi bilan bu yilgi bayram “Farovonlik” shiori ostida tashkil etilyapti.
Dzyudo bayrami mamlakatimizda ham oʻzgacha shukuhda qarshi olinishi rejalashtirilgan. Bugun poytaxtimizdagi “Tashkent City Mall” savdo majmuasida ushbu sanaga bagʻishlangan tadbir boʻlib oʻtadi.
Oʻzbekiston Milliy Olimpiya qoʻmitasi ushbu bayram munosabati bilan mamlakat dzyudo federatsiyasi hamda yurtimizdagi dzyudo oilasini samimiy qutlaydi.
