27 Oktyabr 2024
246
Umidjon Jalolov bronza medali uchun kurashadi
Bugun Albaniyada sport kurashlari boʻyicha U23 yosh toifasidagi jahon chempionati oʻz yakuniga yetadi. Musobaqaning soʻnggi kun dasturida erkin kurashchimiz Umidjon Jalolov bronza medali uchun bahs olib boradigan boʻldi.
-65 kg vazn toifasida ishtirok etayotgan hamyurtimiz yarim finalgacha boʻlgan yoʻlni muvaffaqiyatli bosib oʻtdi. Biroq final ostonasida neytral maqomda kurashayotgan Ibragim Ibragimovga 0:3 hisobida imkoniyatni boy berdi. Shu tariqa, u kechki dasturda uchinchi oʻrin uchun gilamga chiqadi. Uning ushbu bosqichdagi raqibi kun davomida maʼlum boʻladi.
