27 Oktyabr 2024
441
Figurali uchish boʻyicha Gran-pri turnirida uzoq kutilgan medal
Oʻzbekiston terma jamoasi a’zolari Yekaterina Geynish hamda Dmitriy Chigirev Kanadaning Galifaks shahrida oʻtayotgan musobaqada kumush medalni qoʻlga kiritishdi.
Hamyurtlarimiz erkin dasturdagi ajoyib ijrolari evaziga 126.12 ball jamgʻarishga erishishdi. Bu mazkur dasturda barcha juftlik ichida qayd etilgan eng yuqori natijaga aylandi. Shu tariqa, ular qisqa dasturdagi chiqishlarini qoʻshib hisoblaganda 189.65 ball toʻplab, kumush medalga ega chiqdilar.
Qayd etish joiz, bu juftlik yoʻnalishida oʻzbekistinlik sportchilarning Gran-pri turnirlarida qoʻlga kiritgan ilk medali boʻldi.
1. D.Stellato-Dudek / M.Desham (Kanada) — 197.33
2. Ye.Geynish / D.Chigirev (Oʻzbekiston) — 189.65
3. A.Golubeva / G.Giotopoulos (Avstraliya) — 186.14
