26 Oktyabr 2024
171
Figurali uchuvchilarimiz qisqa dasturdan keyin toʻrtinchi boʻlishdi
Kanadaning Galifaks shahrida figurali uchish boʻyicha Gran-pri turniri boshlandi. Xabar berganimizdek, unda Oʻzbekiston terma jamoasi aʼzolari Yekaterina Geynish hamda Dmitriy Chigirev ishtirok etishmoqda.
Hamyurtlarimizning qisqa dasturdagi ishtiroki hakamlar tomonidan 63.53 ochko bilan baholandi. Ushbu natija bilan ular sakkiz juftlik orasida toʻrtinchi boʻlib turishibdi. Bugun erkin dasturdan soʻng mazkur yoʻnalishdagi gʻolib va sovrindorlar nomi maʼlum boʻladi.
