Saytning eski versiyasi

Tojikiston poytaxti Dushanbe shahrida dzyudo boʻyicha yoshlar oʻrtasidagi jahon chempionati oʻz yakuniga yetdi. Shiddatli va murosasiz kurashlarga boy oʻtgan musobaqada Oʻzbekiston terma jamoasi yakkalik bahslarida 1 ta oltin va 3 ta bronza medallariga sazovor boʻlib, umumjamoa hisobida 4-oʻrinni egallagan edi.

Bugun oʻtgan aralash jamoaviy dasturda hamyurtlarimiz bronza medallari bilan taqdirlanishdi. Uchinchi oʻrin uchun kechgan bahsda dzyudochilarimiz Ozarbayjonni 4:2 hisobida dogʻda qoldirishdi.

Oʻzbekiston Milliy Olimpiya qoʻmitasi mazkur dunyo birinchiligida qoʻlga kiritilgan muvaffaqiyat bilan mamlakat dzyudo federatsiyasi, sportchi va murabbiylarni samimiy tabriklaydi.