Merganlarimiz Osiyo kubogida oltita medalni qo‘lga kiritishdi
Qozog‘istonning Almati shahrida stenddan otish bo‘yicha Osiyo kubogi bahslari bo‘lib o‘tmoqda. 22-29-sentyabrga mo‘ljallangan musobaqada O‘zbekiston terma jamoasi o‘z ishtirokini yakunladi. Quvonarlisi, unda merganlarimiz 1 ta oltin, 3 ta kumush va 2 ta bronza medallariga sazovor bo‘lishdi. Joriy yil boshida qit’a chempionatida oltin medalni qo‘lga kiritgan hamyurtimiz Behruz Sharapov bu gal ham g‘oliblikka erishib, skit dasturida ayni paytda qit’amizning eng kuchli sportchilaridan biri ekanini yana bir karra ko‘rsatdi. Batafsil:
Oltin medal:
Behruz Sharapov (skit, yakkalik)
Kumush medal:
Behruz Sharapov, Daniil Jalnin, Ernest Sattarov (skit, jamovaiy)
Azamat Qayumov, Shohruh Sadirov, Ohunjon Abduqodirov (trap, jamoaviy)
Bekzod Abdurahimov (skit, yakkalik)
Bronza medal:
Azamat Qayumov (trap, yakkalik)
Bekzod Abdurahimov, Georgiy Popov, Timur Yenaliyev (dabl trap, jamoaviy)
