24 Sentyabr 2024
315
Yosh dzyudochilarimiz jahon chempionatiga tayyorlanishmoqda
Dzyudo boʻyicha Oʻzbekiston yoshlar terma jamoasi 2-6-oktyabr kunlari Tojikistonda oʻtadigan jahon chempionatiga qizgʻin hozir koʻrmoqda. Qizlarimiz Toshkentda, yigitlarimiz Termiz shahrida oʻquv-mashgʻulot yigʻinini olib borishmoqda.
Termiz mezbonlik qilayotgan mashgʻulotlarda Diyorbek Oʻrozboyev, Sharofiddin Lutfillayev va Sharofiddin Boltaboyev kabi oʻzbek dzyudosining yaqin yillardagi nomdor polvonlari yosh ukalari bilan oʻz mahoratlarini ulashishmoqda. Yigʻin 29-sentyabrga qadar davom etadi. Shundan soʻng yigitlarimiz Termizdan, qizlarimiz Toshkentdan Tojikiston poytaxti tomon yoʻl olishadi.
