21 Sentyabr 2024
278
Bugun yosh og‘ir atletikachilarimiz jahon chempionatidagi ishtiroklarini boshlashadi
Ayni kunlarda Ispaniyaning Leon shahrida ogʻir atletika boʻyicha yoshlar oʻrtasidagi jahon chempionati boʻlib oʻtmoqda. Bugun unda qatnashadigan Oʻzbekiston terma jamoasi oʻz ishtirokini boshlaydi.
Hamyurtlarimiz orasida dastlab Diyorbek Roʻzmetov (-67 kg) medallar uchun kurash olib boradi. Yurtdoshimizning chiqishi Toshkent vaqti bilan 19:00 ga toʻgʻri keladi. Shundan soʻng 22:00 da Nigora Abdullayeva -59 kg vazn toifasida oʻz omadini sinab koʻradi.
Eslatib oʻtamiz, ushbu dunyo birinchiligida 7 nafar sportchimiz qatnashadi. Boʻlajak musobaqada barcha atletlarimizga omad tilaymiz.
