7 Sentyabr 2024
278
Anvar Anvarov Xorvatiyadagi turnirda kumush medalga sazovor bo‘ldi
Xorvatiyaning Zagreb shahrida yengil atletika boʻyicha “oltin” darajadagi xalqaro musobaqa oʻz yakuniga yetdi. Maʼlum qilganimizdek, unda Oʻzbekiston terma jamoasi aʼzosi Anvar Anvarov ishtirok etib, kumush medalga sazovor boʻldi.
Uzunlikka sakrash dasturida qatnashgan yurtdoshimiz 7.99 metr natija qayd etdi. Ahamiyatlisi, oltin medalga ega chiqqan yamaykalik Shon Tompson ham xuddi shunday natija koʻrsatgan. Biroq okean orti vakili urunishlar boʻyicha ustunlikka egalik qildi. Uchinchi oʻrin esa mezbon Roko Farkashga nasib etdi.
1. Shon Tompson (Yamayka) – 7.99 metr
2. Anvar Anvarov (Oʻzbekiston) – 7.99
3. Roko Farkash (Xorvatiya) – 7.90
