Saytning eski versiyasi

Parij-2024 yozgi Paralimpiya oʻyinlarining bugungi kuni delegatsiyamiz uchun muvaffaqiyatli oʻtmoqda. Nomdor para atletimiz Husniddin Norbekov Oʻzbekiston delegatsiyasiga sakkizinchi oltin medalni taqdim qildi.

F35 klassida yadro uloqtirish bahslarida qatnashgan yurtdoshimiz 16.82 metr natija qayd etib, Paralimpiya rekordini yangilashga erishdi. Shu tariqa, Norbekov hisobidagi Paralimpiya medallari 3 ta oltin va 1 ta bronzaga yetdi.

Oʻzbekiston delegatsiyasi hisobidagi medallar esa hozircha 8 ta oltin, 5 ta kumush va 4 ta bronzani tashkil etmoqda.