4 Sentyabr 2024
274
Safina Sadullayeva Syurixdagi "Brilliant liga"da qatnashadi
Bugun Shveysariyaning Syurix shahrida yengil atletika boʻyicha “Brilliant liga” musobaqasining navbatdagi bosqichi start oladi. Mazkur musobaqada Oʻzbekiston terma jamoasi aʼzosi Safina Sadullayeva ham oʻz omadini sinab koʻradi.
Yurtdoshimiz boʻlajak musobaqada Estoniyada tayyorgarlik koʻrdi. Dasturga koʻra, Sadullayevaning chiqishi 5-sentyabr sanasiga belgilangan. Ushbu yoʻnalishda amaldagi jahon rekordchisi va Parij-2024 yozgi Olimpiya oʻyinlari chempioni ukrainalik Yaroslava Maguchix, shuningdek, Olimpiya oʻyinlarining 2 karra kumush medali sohibi Nikola Olislagers (Avstraliya), jahon chempionatining sovrindorlari Irina Gerashenko (Ukraina), Eleanor Petterson (Avstraliya) kabi nomdor sportchilar ham medallar uchun kurash olib borishadi.
