2 Sentyabr 2024
509
Paralimpiya oʻyinlari rekordini yangilagan Boburjon Omonov oltinchi oltin medalimizga mualliflik qildi
Para yengil atletikachilarimizning navbatdagi medali uzoq kuttirmadi. F41 klassida yadro uloqtirish bellashuvlarida ishtirok etgan yurtdoshimiz Boburjon Omonov oltin medalga sazovor boʻldi. Paralimpiya oʻyinlarining ikki karra chempioniga aylangan andijonlik sportchimiz 14.32 metr natija qayd etib, Tokio-2020 yozgi Paralimpiya oʻyinlarida oʻzi oʻrnatgan rekordni yangilashga erishdi.
Ushbu muvaffaqiyatdan keyin delegatsiyamiz hisobidagi medallar hozircha 6 ta oltin, 4 tadan kumush va bronzani tashkil etmoqda.
