Saytning eski versiyasi

Peruda o’tayotgan dzyudo bo’yicha o’smirlar o’rtasidagi jahon chempionatida O’zbekiston terma jamoasi ikkinchi medalini qo’lga kiritdi. -73 kg vazn toifasida kurashgan Inomjon Bahodirov ham bronza medaliga ega chiqdi.

Chorak finalda imkoniyatni boy bergan hamyurtimiz o’tish bosqichida braziliyalik Silas Kostani, bronza medali uchun kurashda esa litvalik Norbertas Rachkani mag’lubiyatga uchratib, uchinchi o’rinni egalladi. Bundan avvalgi kun dasturida Inoyat Telmanov ham -66 kg vazn toifasida shohsupaning uchinchi pog’onasidan joy olgan edi.

Shu tariqa, mazkur dunyo birinchiligida qatnashgan har ikki dzyudochimiz ham ishtirokini medal bilan yakunladi.