Saytning eski versiyasi

Bugun Fransiyaning Parij shahrida XVII yozgi Paralimpiya oʻyinlari start oladi. 8-sentyabrga qadar davom etadigan musobaqada Oʻzbekiston delegatsiyasi oʻz tarixida ilk bor 9 sport turida 65 nafar sportchi bilan 113 ta litsenziya qoʻlga kiritishga muvaffaq boʻlgan.

Musobaqaning birinchi kun dasturida hamyurtlarimizdan Kirill Pankov, Muzaffar Tursunxoʻjayev, Islom Aslanov, Shohsanam Toshpoʻlatova hamda Muslima Odilova para suzish, Ziyodaxon Isoqova para taekvondo bahslarida medallar uchun kurash olib borishadi.

Oʻzbekiston Milliy Olimpiya qoʻmitasi boʻlajak masʼuliyatli Oʻyinlarda para sportchilarimizga omad va muvaffaqiyat tilab qoladi.