27 Avgust 2024
262
O‘smir dzyudochilarimiz jahon chempionatida
28-31-avgust kunlari Peru poytaxti Lima shahrida dzyudo boʻyicha oʻsmirlar oʻrtasidagi jahon chempionati boʻlib oʻtadi. Dunyoning 49 mamlakatidan 405 nafar sportchi ishtirok etadigan mazkur musobaqada Oʻzbekiston terma jamoasi 2 nafar polvon bilan qatnashadi.
Murabbiylar shtabining qaroriga koʻra, bahslarda Inoyat Telmanov -66 kg va Inomjon Bahodirov -73 kg vazn toifasida yurtimiz sharafini himoya qilishadi. Sportchilarimizning chiqishi 29 va 30-avgust kunlariga toʻgʻri keladi.
