26 Avgust 2024
385
Yosh basketbolchilarimiz Jahon kubogidagi ishtiroklarini boshlashmoqda
Bugun Vengriyaning Debretsen shahrida basketbolning 3x3 yoʻnalishi boʻyicha U18 yosh toifasidagi Jahon kubogi start oladi. 30-avgustga qadar davom etadigan ushbu nufuzli turnirda Oʻzbekiston terma jamoasi ham ishtirok etadi.
Qurʼaga koʻra, jamoamiz “С” guruhida Germaniya, Qatar va Vengriya bilan bahs olib boradi. Bugun hamyurtlarimiz Qatar va Germaniyaga qarshi 1 va 2-tur uchrashuvlarini oʻtkazishadi. 28-avgust kuni esa mezbonlarga qarshi oʻyin kutib turibdi. Reglamentga muvofiq, guruhda eng yuqori natija qayd etgan ikki jamoa chorak finalda oʻz yurishini davom ettiradi.
Musobaqada Amir Narzullayev, Ilya Mezensev, Farruh Sobirov hamda Muhammadamin Marasulov yurtimiz sharafini himoya qilishadi.
