Sportimiz fidoyilar yuksak davlat mukofotlari bilan taqdirlanishdi
O‘zbekiston Respublikasi Prezidenti Shavkat Mirziyoyev "O‘zbekiston Respublikasi mustaqilligining o‘ttiz uch yilligi munosabati bilan fan, ta’lim, sog‘liqni saqlash, adabiyot, madaniyat, san’at sohalari va ommaviy axborot vositalari xodimlaridan bir guruhini mukofotlash to‘g‘risida"gi Farmonni imzoladi. Quvonarlisi, mukofotga sazovor bo’lganlar orasida sport sohasining bir necha vakillari ham bor.
Farmonga binoan, Sport vaziri Adham Ikramov “O’zbekiston Respublikasida xizmat ko’rsatgan sog’liqni saqlash xodimi” faxriy unvoni, Madaniyat vazirining birinchi o’rinbosari, mamlakat chim ustida xokkey federatsiyasi raisi Bahodir Ahmedov “Sodiq xizmatlari uchun” medali, MOQ raisi o’rinbosari, mamlakat dzyudo federatsiyasi raisi Azizjon Kamilov “Mehnat shuhrati” ordeni, O’zbekiston boks federatsiyasi bosh kotibi Shohid Tillaboyev “Do’stlik” ordeni bilan taqdirlanishdi.
Oʻzbekiston Milliy Olimpiya qoʻmitasi yuksak davlat mukofotiga sazovor boʻlgan soha mutaxassislarini muborakbod etib, ularning kelgusi faoliyatida yanada ulkan muvaffaqiyatlar tilaydi.
