22 Iyun 2021
2358
Andijonda chim ustida xokkey bo‘yicha Xalqaro Olimpiya kuniga bag‘ishlangan tadbir bo‘lib o‘tdi
Andijondagi “Xalqlar do‘stligi” sport majmuasida Xalqaro Olimpiya kuniga bag‘ishlab chim ustida xokkey bo‘yicha ommaviy sport tadbiri o‘tkazildi.
Unda 10 yoshdan 16 yoshgacha bo‘lgan o‘g‘il-qizlar ishtirok etishdi. Qatnashchilar tadbir davomida quvnoq startlar, 5×5 o‘yin turlari bo‘yicha o‘zaro musobaqalashdi. Bellashuvlar yakunida ishtirokchilarga diplom va esdalik sovg‘alari topshirildi.
Hozirda Respublikamizning barcha hududlarida Xalqaro Olimpiya kuniga bag‘ishlangan tadbirlar o‘tkazilmoqda. Rejaga ko‘ra, bunday tadbirlar 28 iyunga qadar davom etadi.
