Bugun Axbor Imomxo’jayev xotirа turniri start oladi
Oʻzbekiston futbol assotsiatsiyasi, Professional futbol ligasi va Oʻzbekiston Milliy Olimpiya qoʻmitasi tomonidan 2-iyul – Xalqaro sport jurnalistlari kuni munosabati bilan oʻzbek futbol sharhlovchiligi maktabi asoschisi, yurtimiz futboli rivojiga ulkan hissa qoʻshgan mutaxassis, Oʻzbekiston Respublikasida xizmat koʻrsatgan yoshlar murabbiysi Axbor Imomxoʻjayev xotirasiga bagʻishlangan futbol turniri oʻtkazilishi yoʻlga qoʻyilgan edi. Bugun joriy yilgi xotira turniri start oladi.
10-iyulga qadar davom etadigan musobaqada Oʻzbekiston futbol assotsiatsiyasi va “Paxtakor” faxriylari, “Tong II” faxriylar jamoasi, sport jurnalistlardan tashkil topgan “Jurnalistlar” jamoasi, Axbor Imomxoʻjayevning farzandlari hamda nabiralaridan tashkil topgan “Sulola” jamoasi, shuningdek, Oʻzbekiston Professional futbol ligasi, Oʻzbekiston futbol hakamlari markazi, “Sharhlovchilar”, kun.uz va championat.asia jamoalari bosh sovrin uchun kurash olib borishadi. Oʻyinlar “Bunyodkor” klubi akademiyasining maydonlarida boʻlib oʻtadi.
