Kurashchi qizlarimiz qitʼa chempionatini 4 ta medal bilan yakunlashdi
Iordaniyada sport kurashlari boʻyicha oʻsmirlar oʻrtasidagi Osiyo chempionati qizgʻin davom etmoqda. Ortda qolgan kun sportchilar erkin va ayollar kurashi dasturlarining bir qator vazn toifalarida gʻoliblik uchun gilamga chiqishdi. Unda hamyurtlarimiz 1 ta kumush va 3 ta bronza medallariga sazovor boʻldilar. Batafsil:
Kumush medal:
-80 kg: Bunyod Rufatov
Bronza medal:
-43 kg: Mashhura Abdumusayeva
-65 kg: Muhayyo Rahimjonova
-65 kg: Doniyor Ibragimov
Shu tariqa, kurashchi qizlarimiz joriy musobaqani 1 ta oltin va 3 ta bronza medallari bilan yakunlashdi. Bugun erkin kurash ustalari oʻrtasidagi bahslar bilan U17 yosh toifasidagi bellashuvlar nihoyasiga yetadi. Dasturga koʻra, 27-iyundan 23 yoshgacha boʻlgan sportchilar qitʼa chempionligi uchun kurashni boshlashadi.
