Ayni kunlarda dzyudo boʻyicha Oʻzbekiston ayollar terma jamoasining 6 nafar aʼzosi Yaponiyaning Tokio shahrida xalqaro oʻquv-mashgʻulot yigʻinida ishtirok etmoqda.

Mashgʻulotlar Kodokan xalqaro dzyudo markazida olib borilyapti. Tarkibdagi uch nafar sportchimiz Parij-2024 yozgi Olimpiya oʻyinlariga hozirlik koʻrayotgan boʻlsa, yana uch qizimiz yil davomida kutayotgan boshqa nufuzli musobaqalarga tayyorlanishmoqda. Rejaga koʻra, Tokio yigʻini 6-iyulga qadar davom etadi.