Iordaniyada oʻtayotgan sport kurashlari boʻyicha U17 yosh toifasidagi Osiyo chempionatining ikkinchi kuni ham Oʻzbekiston terma jamoasi uchun muvaffaqiyatli yakunlandi. Yunon-rum va ayollar kurashi boʻyicha bir qator vazn toifalarida kechgan bellashuvlarda yurtdoshlarimiz 3 ta oltin va 2 ta bronza medallariga sazovor boʻlishdi. Gʻolib va sovrindorlar:

 Oltin medal:
-65 kg: Fayozbek Eshmirzayev
-71 kg: Behruzbek Valiyev
-40 kg: Shohista Shonazarova

 Bronza medal:
-80 kg: Shohjahon Shavkatov
-46 kg: Mehribonu Xudoynazarova

Ahamiyatlisi, chempionatda gilamga chiqqan barcha “klassik” kurashchilarimiz yurtimizga medal bilan qaytib keladigan boʻlishdi. Murosasiz bahslar davomida ular 5 ta oltin, 3 ta kumush va 2 ta bronza medallariga sazovor boʻlgan holda umumjamoa hisobida faxrli birinchi oʻrinni ham egallashdi.