21-23 iyun kunlari Italiyaning Milan shahrida badiiy gimnastika bo‘yicha Jahon kubogining yakuniy bosqichi bo‘lib o‘tdi. Unda ishtirok etgan O‘zbekiston terma jamoasi a’zosi Taxmina Ikromova 2 ta bronza medalini qo‘lga kiritdi.

Yurtdoshimiz mazkur medallarga halqa va to‘pdagi mashqlarda egalik qildi. Shuningdek, u ko‘pkurash va tasma bilan mashq yo‘nalishlarida ham kuchli sakkiztalikdan joy olib, Parij-2024 yozgi Olimpiya o‘yinlariga puxta tayyorgarlik ko‘rayotganini namoyish etdi.

To‘p:
1. Darya Varfolomeyev (Germaniya) – 35.650 ball
2. Safiya Rafaelli (Italiya) – 35.350
3. Taxmina Ikromova (O‘zbekiston) – 34.400

Halqa:
1. Zilu Vang (Xitoy) – 35.100
2. Alina Xarnasko (Neytral sportchi) – 34.250
3. Taxmina Ikromova (O‘zbekiston) – 34.100