Bugun 23-iyun, Xalqaro Olimpiya qo’mitasiga asos solinganiga roppa-rosa 130 yil to’ldi. Aynan mana shu ulkan voqelik sabab mazkur sana butun dunyoda Xalqaro Olimpiya kuni sifatida keng nishonlanadi.

Ahamiyatlisi, bu yilgi o’ziga xos yubiley sana Parij-2024 yozgi Olimpiya o’yinlari oldidan nishonlanmoqda. Bu kun dunyodagi barcha insonlarni tinchlik va hamjihatlik ostida birlashtirgan Olimpiya o’yinlarining yaratilishida katta ahamiyat kasb etdi.

Qadrli do’stlar, fursatdan foydalanib, O’zbekiston Milliy Olimpiya qo’mitasi barcha yurtdoshlarimizni, mamlakatimizdagi Olimpiya harakati ishtirokchilarini bugungi bayram bilan samimiy qutlaydi.