Shveysariyaning Jeneva shahrida yengil atletika bo’yicha “Atleticageneve – EAP” xalqaro turniri bo’lib o’tdi. Butunjahon yengil atletika federatsiyasining bronza darajasidagi ushbu musobaqada qatnashgan O’zbekiston terma jamoasi a’zolari oltin va bronza medallarini qo’lga kiritishdi. Mahoratli sportchimiz Anvar Anvarov uzunlikka sakrash sektorida roppa-rosa 8 metr natija bilan birinchi o’rinni egalladi. Osiyo o’yinlari chempioni Safina Sadullayeva esa balandlikka sakrashda bronza medali bilan taqdirlandi.

Uzunlikka sakrash:
1. Anvar Anvarov (O’zbekiston) - 8.00 metr
2. Gerson Balde (Portugaliya) - 7.86
3. Yu-Tang Lin (Xitoy Taipeyi) - 7.82

Balandlikka sakrash:
1. Elizabey Pihela (Estoniya) - 1.89 metr
2. Britt Virman (Niderlandiya) - 1.89
3. Safina Sadullayeva (O’zbekiston) - 1.83