Boʻlajak Olimpiya oʻyinlari doirasidagi musobaqalarda hatto turistlar katta hajmda tashrif buyuradigan koʻpriklardan foydalanilishi haqida gaplashgan edik. Bugun Parijning ana shunday taniqli koʻpriklaridan biri “Trokadero” eʼtiborimiz markazida boʻladi.

Sena daryosi ustidagi inshoot 1808-1814-yillar oraligʻida qurilgan. Umumiy uzunligi 155, kengligi 35 metr. Yillar oʻtib uning qarama-qarshi tomoniga Eyfel minorasi barpo etilgan. Ushbu loyihamizni kuzatib borayotgan muxlislar koʻprik Oʻyinlarning eng qaynoq nuqtasida joylashganini anglagan boʻlishsa, ajabmas.

Oʻyinlarning tantanali ochilish marosimida delegatsiya aʼzolari, qolaversa, ochiq dengizda suzish, marafon, sportcha yurish, veloshosse, triatlon ishtirokchilari koʻprik oldida koʻrinish berishadi. Har bir dasturdan kelib chiqqan holda 3 000 dan 13 000 gacha tomoshabinni sigʻdira oladigan koʻchma tribunalar oʻrnatiladi. Olimpiya shaharchasidan 12 km uzoqlikda joylashgan.