Parij-2024 arenalari: Trek bahslarini qabul qiladigan “Sen-Kanten-an-Ivelin”
“Sen-Kanten-an-Ivelin” velosport olamidagi eng mashhur inshootlardan hisoblanadi. Bu yerda har yili turli darajadagi xalqaro musobaqalar oʻtkazib kelinadi. Bugun mazkur obyektning tarixi va uning imkoniyatlari haqida soʻz boradi.
“Sen-Kanten-an-Ivelin” velodromi bundan roppa-rosa 10-yil avval barpo etilgan. Boʻlajak Oʻyinlarda trek yoʻnalishidagi poygalarga mezbonlik qiladi. Uning hududida Fransiya velosiped sporti federatsiyasining shtab-kvartirasi ham mavjud. Velodrom koʻplab sport turlariga moslashuvchan qilib barpo etilgan. Arenaning markaziy qismida boshqa sport turlari boʻyicha musobaqalarni oʻtkazish imkoniyati mavjud. Shuningdek, atletlarning reabilitatsiya jarayoni uchun ham sharoitlar yaratilgan. Inshoot shu paytgacha 2015-yil velotrek boʻyicha jahon, 2016-yil Yevropa chempionatiga mezbonlik qilgan.
Mazkur majmua 5 000 nafar muxlis uchun moʻljallangan. Olimpiya shaharchasi va “Sen-Kanten-an-Ivelin” arenasi orasidagi masofa 36 kmni tashkil etadi.
