Feruza Sodiqova ham chempion! Taekvondochlarimizdan yana 4 ta medal
Livanda o‘tayotgan taekvondo bo‘yicha Osiyo chempionatining navbatdagi kuni ham ortda qoldi. Quvonarlisi, unda ham hamyurtlarimiz muvaffaqiyatli ishtirok etishdi.
-62 kg vazn toifasida bahs olib borgan Feruza Sodiqova barcha raqiblarini mag‘lub etib, sovrinlari orasiga qitʼa chempionligini ham qo‘shib qo‘ydi. Osiyo o‘yinlari finalchisi Madinabonu Mannopova (-49 kg) bu gal ham kumush medal medal bilan taqdirlangan bo‘lsa, Shohruh Rajabov (+80 kg) va Shahboz Tusmatov (-74 kg) jamoamizga bronza medallarini taqdim qilishdi.
Osiyo chempionatining 2-kunida sovrindor bo‘lganlar:
Oltin: Feruza Sodiqova
Kumush: Madinabonu Mannopova
Bronza: Shoxrux Rajabov
Bronza: Shahboz Tusmatov
Bugun ham bir qator vazn toifalarida hamyurtlarimiz qitʼa chempionligi uchun bahslarni davom ettirishadi.
