19 Iyun 2024
326
Ajoyib yangilik: Oʻzbekiston taekvondo WT assotsiatsiyasi ilk marotaba besh nafar sportchi bilan Olimpiadada qatnashadi
Butunjahon taekvondo federatsiyasi (WT) Parij-2024 yozgi Olimpiya oʻyinlari uchun yoʻllanmalar taqsimotini qayta shakllantirdi. Eʼtiborlisi, Oʻzbekiston terma jamoasi aʼzosi Nikita Rafalovich +80 kg vazn toifasida Olimpiada ishtirokchilari qatoridan joy oldi. Eslatib oʻtamiz, Rafalovich 2023-yil yakunida eʼlon qilingan Olimpiada reytingida oltinchi oʻrinda qayd etilgan edi.
Shu tariqa, taekvondo WT boʻyicha Oʻzbekiston terma jamoasi boʻlajak Olimpiya oʻyinlarida oʻz tarixida ilk bor 3 nafar erkak va 2 nafar ayol sportchi bilan qatnashadigan boʻldi.
