Gimnastika afsonasi Oksana Chusovitinani tabriklaymiz!
Bugun oʻzbek va jahon gimnastikasi yulduzi, Barselona-1992 Olimpiadasining oltin, Pekin-2008 Olimpiadasining kumush medali sohibi, jahon chempionatlarining 3 karra oltin, 4 karradan kumush va bronza medallari egasi, Osiyo oʻyinlarining 2 karra oltin, 4 karra kumush va 2 karra bronza medali sovrindori, 8 karra Olimpiya oʻyinlari ishtirokchisi, “Oʻzbekiston iftixori”, “Oʻzbekiston Respublikasida xizmat koʻrsatgan sportchi”, “Oʻzbekiston Respublikasida xizmat koʻrsatgan sport ustozi” faxriy unvonlari, “Doʻstlik”, “Mehnat shuhrati” va “El-yurt hurmati” ordenlari sohibi Oksana Chusovitina tugʻilgan kunini nishonlamoqda.
Oʻzbekiston Milliy Olimpiya qoʻmitasi Oksana Aleksandrovnani bugungi ayyom bilan qutlab, unga uzoq umr va ulkan muvaffaqiyatlar tilaydi.
