Janubiy Koreyaning Mokpxo shahrida yengil atletikaning uloqtirish turlari boʻyicha Osiyo chempionati boʻlib oʻtmoqda. Unda Oʻzbekiston terma jamoasi aʼzolari musobaqadagi ishtiroklarini yakunlashdi.

Yurtdoshlarimiz murosasiz bahslarda 1 tadan kumush va bronza medallarini qoʻlga kiritdilar. Kumush medalga bosqon uloqtirish sektorida Zarina Nosirjonova egalik qilgan boʻlsa, yadro uloqtirishda Malika Nasriddinova bronza medali sohibiga aylandi.

 Kumush medal:
Zarina Nosirjonova (bosqon uloqtirish, 64,54 metr)

 Bronza medal:
Malika Nasriddinova (yadro uloqtirish, 17,06 metr)

Afsuski, qitʼa birinchiligida qatnashgan qolgan yurtdoshlarimizning natijasi medallar uchun yetarli boʻlmadi.