7 Iyun 2024
543
Merganlarimiz Osiyo kubogida bronza medalini qoʻlga kiritishdi
Janubiy Koreyaning Suvon shahrida kamondan otish boʻyicha Osiyo kubogi bosqichi oʻz yakuniga yetib bormoqda. Unda ishtirok etgan Oʻzbekiston terma jamoasi bitta bronza medaliga sazovor boʻldi.
Yurtdoshlarimiz Amirxon Sodiqov va Ziyodaxon Abdusattorova mikst dasturida shohsupaning uchinchi pogʻonasiga koʻtarilishdi. Rejaga koʻra, ertaga yakkalik dasturida final bahslari boʻlib oʻtadi. Afsuski, merganlarimiz bu yoʻnalishda medallar uchun kurashni erta tark etishdi.
Endi jamoamiz 15-16-iyun kunlari jamoaviy va yakkalik dasturdagi Parij-2024 litsenziyalari oʻynaladigan yakuniy musobaqada ishtirok etish uchun Turkiyaning Antalya shahriga yoʻl oladi.
