Bugun boks boʻyicha London-2012 yozgi Olimpiya oʻyinlarining bronza medali sohibi, ikki karra jahon chempioni, Osiyo oʻyinlarining kumush va qitʼa chempionatining oltin medali sohibi, “Oʻzbekiston Respublikasida xizmat koʻrsatgan sportchi” va “Oʻzbekiston iftixori” faxriy unvonlari sohibi Abbos Atoyev, shuningdek, dzyudo boʻyicha Tokio-2020 yozgi Olimpiya oʻyinlarining bronza medali sohibi, jahon chempionatlarining 1 tadan oltin, kumush va bronza medallari egasi, Osiyo oʻyinlarining ikki karra kumush medali sovrindori va Osiyo chempioni, “I darajali sogʻlom avlod uchun” ordeni va “Oʻzbekiston Respublikasida xizmat koʻrsatgan sportchi” faxriy unvoni sohibi Davlat Bobonov tavallud ayyomini nishonlamoqda.

Oʻzbekiston Milliy Olimpiya qoʻmitasi har ikki sportchimizni bugungi ayyom bilan samimiy qutlab, ularga uzoq umr, sihat-salomatlik tilab qoladi.