Bugun Qozogʻistonning Almati shahrida veloshosse boʻyicha kattalar va oʻsmirlar oʻrtasidagi Osiyo chempionati start olgani haqida maʼlum qilgan edik. Ahamiyatlisi, musobaqaning ilk kunida Oʻzbekiston terma jamoasi 2 ta kumush medalga sazovor boʻldi.

Mazkur medallar mikst-estafeta dasturida qoʻlga kiritildi. Kattalar toifasidagi poygada Murodjon Xolmurodov, Daniil Yevdokimov, Begzod Rahimboyev, Olga Zabelinskaya, Yanina Kuskova hamda Margarita Misyurina yurtimiz sharafini himoya qilishdi.

Shuningdek, oʻsmirlarimiz ham poygada muvaffaqiyatli ishtirok etishdi. Ikkinchi natijani qayd etgan Alimardon Jamoliddinov, Muhriddin Safarov, Samandar Umirov, Samira Ismoilova, Viktoriya Polzunovadan iborat jamoamiz kumush medalga sazovor boʻldi.

40 km, kattalar:
1. Qozogʻiston – 51:08.55
2. Oʻzbekiston – 52:38.9
3. Gonkong – 53:15.37

32 km, oʻsmirlar:
1. Qozogʻiston – 41:27.7
2. Oʻzbekiston – 42:51.8
3. Tailand – 43:26.8