Saytning eski versiyasi

Chexiyaning Praga shahrida yengil atletika boʻyicha “Josef Odlozil Memorial” xalqaro turniri boʻlib oʻtdi. Yevropa bo'ylab musobaqalarda ishtirok etayotgan Oʻzbekiston terma jamoasi aʼzosi Anvar Anvarov Butunjahon yengil atletika federatsiyasining bronza darajasidagi ushbu startda kumush medalga sazovor boʻldi.

Uzunlikka sakrash dasturida qatnashgan Anvarov 7,92 metr natija qayd etishga muvaffaq boʻldi. Ahamiyatlisi, gʻoliblikka erishgan 18 yoshli chexiyalik Petr Meyndlshmid ham xuddi shunday natija koʻrsatgan. Biroq urinishlar holatiga koʻra mezbon atlet oltin medalga ega chiqdi.

1. Petr Meyndlshmid (Chexiya) – 7,92 metr
2. Anvar Anvarov (Oʻzbekiston) – 7,92
3. Rusval Samaai (JAR) – 7,75