Harbiy taekvondochilarimiz jahon chempionatida tengsiz bo‘lishdi!
1-3-iyun kunlari Janubiy Koreyaning Mungyong shahrida taekvondo WT bo‘yicha harbiylar o‘rtasida jahon chempionati o’tkazildi. 20 dan ortiq mamlakatdan 300 nafar sportchi qatnashgan musobaqada O’zbekiston terma jamoasi yuqori natijani qayd etdi. Murosasiz bahslar yakunida hamyurtlarimiz 6 ta oltin, 2 ta kumush va 4 ta bronza, jami 12 ta medal jamg’arishdi. Bu natija orqali yigitlarimiz ham, qizlarimiz ham umumjamoa hisobida birinchi bo’lishdi. G’olib va sovrindorlar:
Oltin:
-68 kg: Ulug‘bek Rashitov
-80 kg: Jasur Jaysunov
-87 kg: Shuhrat Salayev
+87 kg: Nikita Rafalovich
-62 kg: Feruza Sodiqova
-73 kg: Gulsanam Alijonova
Kumush:
-57 kg: Madina Mirabzalova
+73 kg: Svetlana Osipova
Bronza:
-46 kg: Samira Adashaliyeva
-49 kg: Zuxra Tojimatova
-53 kg: Marjona Primova
-67 kg: Ozoda Sobirjonova
O’zbekiston MOQ ushbu natija bilan mamlakat taekvondo assotsiatsiyasi, sportchi va murabbiylarimizni samimiy qutlaydi.
