Boks bo’yicha O’zbekiston ayollar terma jamoasi a’zosi Navbahor Hamidova (-66 kg) Tailandda yakuniga yetayotgan Parij-2024 jahon litsenzion turnirida muvaffaqiyatli qatnashib, 4 yillikning eng nufuzli musobaqasi ishtirokchisiga aylandi. Yurtdoshimiz hal qiluvchi bahsda serbiyalik Kristina Kuluxovadan ustun keldi.

Shu tariqa, boks bo’yicha O’zbekiston terma jamoasi Parij-2024 yozgi Olimpiya o’yinlarida 11 nafar sportchi bilan qatnashadigan bo’ldi. Yigitlarimiz to’liq tarkibda (7 nafar), qizlarimiz esa tarixda ilk bor 4 sportchi bilan yo’llanmaga ega chiqdi. Bu ayollar jamoamiz uchun rekord ko’rsatkich!