Tailandda oʻtayotgan boks boʻyicha jahon litsenzion turniri hal qiluvchi bosqichga yetib keldi. Ertaga barcha vazn toifalarida Parij-2024 yoʻllanmalarining sohiblari aniqlanadi. Hamyurtlarimiz orasidan faqatgina Navbahor Hamidova (-66 kg) yakuniy bosqichga yetib kela oldi. Endi u Parij chiptasi uchun serbiyalik Kristina Kuluxova bilan hisob-kitob qiladi.

Afsuski, Aziza Zokirova (-75 kg) hamda Rashida Tagirova (-60 kg) musobaqadagi ishtiroklarini erta yakunlashdi. Tagirova birinchi, Zokirova esa ikkinchi bosqichda nomdor raqiblariga imkoniyatni boy bergan.