1 Iyun 2024
624
Yengil atletika bo’yicha yana bir xalqaro turnir boshlandi
Bugun Toshkentda yengil atletika boʻyicha Oʻzbekiston ochiq chempionati boshlandi. 2-iyunga qadar davom etadigan musobaqada hamyurtlarimizdan tashqari Tojikiston, Qozogʻiston va Ukrainadan tashrif buyurgan jami 355 nafar atlet gʻoliblik uchun kurash olib boradi.
Bahslarda Sharifa Davronova, Svetlana Radzivil, Safina Sadullayeva, Suhrob Xodjayev kabi terma jamoamiz yetakchilari oltin medallar uchun raqobat olib borishadi. Qayd etish joiz, ushbu turnir Butunjahon yengil atletika federatsiyasi taqvimidan oʻrin olgan boʻlib, unda Parij-2024 normativini bajargan sportchilar Olimpiada yoʻllanmasini qoʻlga kiritishlari yoki qimmatli reyting ochkolarini jamgʻarishlari mumkin. Musobaqada jami 45 dasturda medallar jamlanmasi oʻynaladi.
